Johs. Lundal & Sønner – Etne
Det var på fjellgarden Lundal oppunder Folgefonna på nordsida av Åkrafjorden det heile starta. Fjellbonden Johannes Lundal hadde vore til Evanger og lært seg å produsera spekepølsa og kunsten med eldhusrøykjing. Han hadde sauer og geiter på fjellbeite oppunder fonna. Desse slakta han om hausten og byrja å produsere ei mild og god fårepølse som blei heitande Åkrafjordpølsa.
Langt til fjells
Fjellgarden Lundal ligg omlag 6 km opp frå sjøen. Etterkvart blei det tungvint å bu og driva der. Familien flytta ned til Mosnes omkring 1923. Der fortsette son og soneson med produksjonen av Åkrafjordpølsa fram til 1966. I 1966 flytta verksemda over til sørsida av Åkrafjorden, til Teigland, og i dag er det fjerde og femte generasjon Lundal som driver.
150 år med spekemat
I løpet av dei 150 åra Lundalsfamilien har produsert spekemat og kjøttmat har produktsortiment utvikla seg frå eit produkt til å telja 53 forskjellege varar. Det er ei tradisjonsbedrift, men drivarane er opptekne av stadig utvikling for å tilpassa seg marknad og etterspørsel, og de etterstrebar alltid kvalitet. Åkrafjordpølsa er framleis eit av deira viktigaste og største produkt.
Effektiv produksjonen og tradisjonelt håndverk
Sjølv om det meste av vår produksjon dreier seg om tradisjonsmat er det ikkje slik med maskinpark og anlegg. Hjå Johs. Lundal har me alltid hatt sansen for gode og effektive verktøy. I åra 2014 og 15 har me fornya heile produksjonsanlegget og installert moderne og effektive energiløysingar. Det viktigaste av alt er ikkje å kompromissa på kvalitet.
Handverket og faget i sit i høgsetet og de tørrsaltar mange av produkta framleis, dvs. de knekar kvar einaste pinnekjøttside eller baconside for hand med salt. Då trekkjer ein vatnet ut av produktet i staden for å tilføre det lake. Det er tidkrevjande, men det gjev produkta den kvaliteten me ønskjer. Eldhusrøykjing er óg eit av kjenneteikna våre, og ein gamal vestnorsk konserveringsmetode. Me brukar lokal oreved for mild røykjesmak og fin farge på produkta.
Vi sier som Johan Lundal, fjerde generasjon pølsemakar i Johs. Lundal & Sønner AS
Det skal meir enn eit fagbrev til for å laga god spekemat! Spekemat er resultatet av ein modningsprosess som på mange måtar kan samanliknast med vinproduksjon. Oppskrifter og metodar går i arv og er viderutvikla gjennom generasjonar. Det er trente auge som ser, fintrimma naser som luktar, følsomme hender som kjenner og kresne ganar som smakar seg til eit førsteklasses resultat.
