Små hvite kaker eller konfekt i en skål med noen grønne blader på toppen, plassert på en treflate.

Signes Raspeball - Førde

Hos Signes Raspeball er ikkje ei potet berre ei potet. Sidan 1993 har familiebedrifta Signes Raspeball produsert raspeball – laga for hand.

Bedrifta vart starta av gründer Signe Nydal og hennar no avdøde mann Gunnar Eliassen. I dag er det sonen Glenn som har teke over som daglig leder av Signes Raspeball. 

"Norges beste raspeball"

I starten gjekk utviklinga raskt, og i løpet av dei ti-femten første åra vart det produsert mange millionar av dei handlaga raspeballane. Dei har opp gjennom åra levert til både kafear, restaurantar, butikkar og oljeplattformer i Nordsjøen.

Sjølv om Signes Raspeball primært har vore ein suksess i Førde og Sunnfjord, har dei etter kvart også fått godt rykte i andre delar av landet.

Fire personer jobber sammen i et kjøkken, hvor de lager eller pakker matballer, med fokus på arbeidsoppgaven og utstyret rundt dem.

I 2015 blei Signes Raspeball kåra til "Norges beste raspeball" av Matkontrollen på TV2. I 2017 fekk bedrifta Matmerk-symbolet for unik smaksoppleving, Spesialitetsplaketten, av landbruks- og matministeren.

Tradisjonsrik mat med kvalitet

Signe går aldri på akkord med kvaliteten på produkta sine, og som ho sjølv seier: «Eg kan gå for kvar einaste raspeball!». Signe har sjølvsagt sin eigen vesle hemmelege tvist når det gjeld ingrediensar og oppskrifta.

En person i hvit arbeidsuniform lager eller former deigballer på et kjøkkenbord med mange deigballer foran seg.

Gjennom alle åra med produksjon av raspeball, har Signe vorte ein ekspert på å velje ut dei rette potetsortane. Både koking, kverning, konsistens, storleik og lagringsevne må takast omsyn til.

Raspeball, klubb, komle, kumle, kompe, kump(e), potetball, klot eller ball – uansett kva ein kallar det er det ein bolle laga av potet, mjøl, salt og vatn – og av og til fylt med fleskebitar.

Tips!

Raspeballen kan serverast saman med saltkjøt, stekt flesk, kålrotbitar, kålrotstappe og anna tilbehør som sukker, margarin, smør, tyttebærsyltetøy, duppe eller sirup – alt etter lokale eller familiære tradisjonar.

Retten er svært populær i Noreg, Sverige, Latvia, Ukraina og Litauen – kor han er nasjonalrett – og elles i store delar av Sentral-Europa som tilbehør.

Signes raspeballer får du i utvalgte MENY-butikker i Hordaland, Sogn & Fjordane